Popular Bible Verses from Mark 14

Share

Abba, ka Pa, nangma dinga ijakai hithei sohkei ahi; hiche khon hi kakoma konin chon mangin: ahivangin keima thu hilouvin, nangma thu thu hijohen, ati.

Lhepna-a nalhah louna dingun kigingun, taovun. Lhagao vangin ago tahbeh nan, ahin tahsa hi alhasamin ahi, ati.

Ahin keiman nangho tahbeh-a kaseipeh nahiuve, Vannoi leiset gam pumpi-a Kipana Thupha kihil lhangna chana, hiche numeinu thilbol jong hi amanu het jingna-a kiseipeh dinga ahi, ati.

Chuin amaho jah-a, Thina khophelin kalung ahesoh behseh jengtai: hikoma hin umunlang kiging jingun, ati.

Chuin an aneh laitah-un, Jesu'n changlhah alan, phatthei aboh jouvin ahehbal balin amaho chu apen, ajah uva, Kilah-un, neuvin; hiche hi katahsa ahi, ati.

Chuin khon alan athangvah jouvin amaho chu apen, chutichun abonchauvin adon sohkei taovin ahi. Chuin Aman ajah uva, Hiche hi mi tamtah dinga kisodoh kitepna thah kathisan ahi.

Chuin Jesu'n ajah uva, Nangho nabon chaova tujana keima jeh-a lungthoi sohkei ding nahiuve: ijeh-inem itile, Keiman kelngoi chingpa kavoh lhuh ding ahi, chutengle akelngoite chu jamcheh gamding ahi, tin akisune.

Kipat un, chetao hite; veuvin, eipedohpa ahung naitai, ati.

Chuin Jesu'n ajah-a, Tahbeh-a kaseipeh nahi, Nangman tuni, tujan mama-a hi ahchal nivei akhon kah-a thumvei neiseilep ding ahi, ati.