Popular Bible Verses from Mark 13

Share

Chule keima min jala nangho mi jouse hotna nahung umdingu ahi; ahinla akhon ni geija thoh lhumkeija pangdetpabou chu huhhing-a umding ahi.

Chingtheijun, kiging jingin umunlang tao jingun: ijeh inem itile aphat chu itih ahi ding nahepouve.

Chule nakaijuva napehdoh tengule, ipi iti kasei dingham tin amasangin lungkham hih-un; ahin aphattahle nakipeh chanu chu seibouvun; ijeh inem itile aseija chu nangho hilouvin, Lhagao Theng joh ahi.

Vanle lei mang ding ahin, keima thu vang mang lou ding ahi.

Ahivangin Pa tailou van'a vantilte jong, Chapa jong, koimachan anikhole ani dantah chu ahepoi.

Chule nanghon gal kisatle kidou thuthang najah tengule, lungdong hih-un; hicheng chu hung soh tei ding ahi; ahivangin achaina hiloulai ding ahi.

Hiche jeh chun kiging jingin umun, ijeh-inem itile inneipu chu itih-a ahung ding nahepouve, nilhah lam ahim, jan khangkim ahim, ahkhonphat ahim, jingkah ahim, ahung ding phat nahepouve. Hetman louvin hungjeng tale na-imut petnu hungtoh khante. Nangho jah-a kasei hi mi jouse jah-a kasei ahi, Kiging jingin umun, ati.

Ijeh-inem itile vai khatle vai khat, gam khatle gam khat hung kidouvintin, mun chom mun choma ling hung kihot intin, kel hunglha-a gentheina hung lhung ding ahi; hicheng chu hahsatna kipatna ahi.

Kipana Thupha hi namtin vaipi lah-a hillhanga um masa tei ding ahi.

Mi tamtah keima minin hunguntin, Keima Christa kahi tiuvintin, mi tamtah alheplhah dingu ahi.

Amavang kichih theijun; ajehchu vaihom upate khutna pehdoh-a nahung umdingu, kikhopna in'a nakivo dingu, chule keima mina vaipoho le lengho anga amaho douna-a hettohsah dinga nahung din dingu ahinalaije.

Ijeh-inem itile Christa lhemho le themgao lhemho hung sohdoh untin, melchihna le mu kidang dang ahin vetsah dingu; ahitheile lhenchomte jeng jong ahinlheplhah dingu ahi.

Ahivangin chucheng nikholai, hesoh genthei joule, nisa thimintin, chule lha jong vahta lou ding, vanlaijola konin ahsi ho hung pullhantin, chule van'a hatnaho chengse kihot lingsoh ding ahi.