Popular Bible Verses from Mathew 7

Share

Thumun, kipe ding nahiuve; holun, namu dingu ahi; kiuvun, kihon peh ding nahiuve

Ijeh-inem itile athumchan achangin; aholan amun; chule akiuva chu kot kihon peh ding ahi.

Hijeh chun koi hijongle kathu hicheng hi ja-a, bola chu, song chunga in sa milungthim phatah toh kitekah ding ahi.

Hijeh chun ima jouse-a min nangho iti nabolle nadeijum, nanghon jong chutobang chun bolun; ijeh-inem itile hichu dan thupeh le themgaoho thu ahi.

Hinna lam chu akot jong ajimin, alampi akichin, chule hichu amua alhome.

Kot jima lutnun; ijeh-inem itile manna lam chu akot jatah ahin, alampi jong lentah ahi, chule chua lut chu tamtah ahi.

Hijeh chun nanghobon migiloutah hiuva, nachateo thilpha pehje nahet ule, hiche sanga chu gamchenga van'a na-Pau vin ahenga thumte chu thilpha apeh lou dingham?

Oimo-a naum louna dinguvin, mi oimo hih-un. Na-oimo bang cheh-a chu oimo-a naum dingu ahin; chule nanghon nate bang banguva chu nangho kitepeh dinga nahiuve.

Chule koi hijongle kathu hicheng hi ja-a, bol lou chu, nellei chunga in sa milungthim bei toh kitekah ding ahi.

Nangma mitna thingtum uma chu ngaito louva, ibola nasopi mitna bohthem chu navet ham? Chule ven, nangma mitna thingtum uma, nasopi jah-a, namitna bohthem umchu neilahdoh sah-in nati theiham?

Kelngoi von kivona asunglamla ngei hangtah hia themgao lhem, naheng uva hungjiho-a konchun kichih theijun. Amaho chu agauva nahet jeng dingu ahi. Mihemin lingphunga lengpiga aloa, ahiloule meithai seltho linga theichang alo ngaijem?

Hiche bang chun thingphung pha jouse aga aphan, thingphung lungvei chun ga phalou asepdoh jin ahi.

Thingphung pha-a aphalou gathei lou; chule thingphung phalouva jong apha gathei lou ahi.

Thingphung aga phalou chengse chu kiphuh lhu-a meija kisep lutji ahi.