Popular Bible Verses from Luke 6

Share

Nanghon peuvin, chutile nangho jong nakipe dingu ahi; phatah-in tentin, sonchahkheh intin, lohchah kheh-in tin, letsetna na-op uva nasunpeh dingu ahi; ijeh-inem itile nanghon nate bang banguva chu nangho kitepeh ding nahiuve, ati.

Miphan alung sung thilkholna pha-a konin thilpha asodoh-in; chule miphalouvin alung sung thil kholna phalouva konin aphalou asodohjin ahi; ijeh-inem itile alung sunga aletset teng akamin aphondohji ahi.

Nangho vangin namelma teu chu ngailuvin, aphatna dingu bolun, chule mu kit ding kinemlel louvin peuvin; chutile tohphat man nasan dingu len ding, chule Chungnung pen chate nahi dingu ahi. Ijeh inem itile ama kipaje helou le miphalouho ahepin ahi.

Hijeh chun na-Pau mikhoto bangin, nanghon jong mi khotouvin.

Chule mi oimo hih-un, chutile nangho oimo-a naum lou dingu ahi; mi themmo chansah hih-un, chutile nangho jong themmo nakichan lou dingu ahi; mi ngaidamun, chutile nangho jong naki ngaidam dingu ahi.

Amavang keiman kathu ngaiho jah-a kasei ahi, Nanghon namelma teu chu ngailuvin; nahoteu chu phatbolun; Nagaosapteu chu phatthei boh-un; nataitom teo dingin taovun.

Min nangho iti nabol leu nadeijum, nanghon jong chuti chun bolun.

Nabengphe langkhat benga chu langkhat jong dopeh-in; chule naponlen min nalahpehle nasangkhol jong alah ding it hih-in. Nahenga thumchan chu pen; chule nanei nalah peh-a chu thum kit ta hih-in.

Ijeh-inem itile thingphung pha-a aga phalou agajipoi, thingphung phalouva jong aga pha agajipoi.

Thingphung jouse aga-a kihe-a ahi. Ijeh-inem itile min ling phung-ah theichang aloujipoi, lingboh-a jong lengpiga aloujipoi.