Popular Bible Verses from Luke 5

Share

Chuin athusei angah phatnin Simon jah-a, lithuhlam jonin, nga man dingin nalen seplhan, ati.

Chuin Simon'in adonbutnin, Pipu, jan khovah keijin kabolun, imacha man louhel kahiuve; ahivangin nangma thusah-in len gahsep lhange, ati. Chuin chutia abol phat chun, nga atama tam akhukha taovin; alennu chu akeh jengin ahi.

Ahin ama chang gamthip muntin-ah achomin achedoh-in, agataovin ahi.

Michonpha te kou-a hung kahipoi; alung heina dinguva michonse te kou-a hungjoh kahibouve, ati.

Ahin Simon Peter'in hichu amun, Jesu khophang bula aboh khupmin, Vo Pakai, kakoma konin chedoh-in; ijeh-inem itile keima mi chonse kahi, ati.

Chuin Jesu'n adonbutnin, Ati damten louthem angaipouve; a damlouten bou angaijui.

Chuin amahon akongu vaokama ahintoldoh phatnun, abonchan adalhauvin anung ajuitaovin ahi.

Chuin ahitin ahi, ama khopi khatna aumpetnin, veuvin, mi khat apumchanga phah aumin; chuin Jesu amu phatnin tolla aboh khupmin, Pakai, nalung ahile neidam thengsah thei ahi, tin ataotan ahi. Chuin aman akhut alhangin, athamin, Kalung ahi, damthengtan, ati. Chupettah chun aphah chu apha paihel jengtan ahi.

Achuti jeng vangin ama thu dol akithang chehjengin; mipi atama tam athu ngai dingle anat kiboldam dingin ahung kikhomun ahi.