Popular Bible Verses from MATHI 7

Share

“Khulo, eno ti nongu tsu nani; phujulo eno nonguno phulu nani; kukhulo eno nongu khaqhitsu nani.

Kughengu khukemino ithulu cheni, phujukemino phulu cheni, kukhu kemi lau khaqhisutsu cheni.

“Tishiaye, timi khuno itsa hipaqo chilu puzu tipaqo shini keno, paye atuqu shou pa ki shipuku kemi alokutsumi lakhi toike.

“Timi kutami pelo olau shipeni shikeu hutoi noye kutami lau shilo; kughengu hiye Muse no sughikeu yezah kiqi eno hiye tungkupmino kutsuchekeuke.

Ikemu aliwo kibikhoyikeu eno ala sholokutu keuno akuxupulo sawu cheni eno timi aghulono tipala phulu cheni.

“Kibikhoyikeu liwo veche ilolulo, kughengu ililayikeu liwo eno mlaleyikeu laye kutsapinyive kepualo sawu cheni eno timi kutomono tipala pula cheni.

Tishiaye, nongu alhoksami shianamu thime kivi pesu nongu ti-anuli tsukeu yeh ithi ani aye nongu paPuh kungughalo akeuye tinguno alaushi thime kivi pesu pa vilo khukemiqo tsu nani!

“Kutami shou kughathabe kevilo, tishianguno Alhou no nongu shou kughathabemo nani. Kughengu nonguno kutami shou kughathabe keu pesu Alhou no nongu shou kughathabe nani, nonguno kutami shou kiu qhemi mighibeni keno Alhou no tipa qhemi nongu shou mighibe nani.

‘Timi khuno itsa hipaqo chilu puzu tipaqo shimo nikeno, paye asaye shou pa ki shipukukemi mbomzumi lakhi toike.

Tishiaye, noye kushiye othikuzuu nhethilo amihi jukuto cheni puzu olikhi onhethilo asulu akeu jukutomo kya? Momu, onhethilo asulu akenokuu kishi puzu noye othikuzuu vilo, ‘Onhethilo amihi akeu ino shiphevetsuni’ ipiluni kya?

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike. Panongu kumlakughutha lono nonguno panoqo ithi nani. Asahubo lono atsayithi pithi chemoe, momu koghesahubo lono khughuthi pithi chemo!

Asubo kivi lono axathi kivi pithi cheni, ikemu asubo lhoksa loye athi kivi pithi chemoe.

Asubo kiviye axathi lhoksa pithini chemoe, momu asubo lhoksa loye axathi kivi pithini chemoe.

Asubo khijeno athi kivi pithimo nikeno yeqhive cheni eno amilo vesuve cheni.