Popular Bible Verses from MATHI 24

Share

Ayezah phimokeuno ihulove kehu timi kutomono kimiyekeulo mukomghayive nani. Ikemu timi khunono ashekha kutolo tsuqupe aghini keno tipano xaluve nani.

Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

Nongu kupunulo aghushi akeu chilu nani, aghachelo aghushi anie pikeu sutsa nongu vilo pi nani, ikemu nonguye thughuyive kepu kumoe. Hikithipu ighimasae, ikemu tiye ashekha tsala ighiveake kumoe.

Kughengu ashiayeh lakhino ashiayeh lakhi sasu aghushi nani, ayehkipeqha lakhino ayehkipeqha lakhi le nani. Puqumiyekeu ngo ayeghi ithakeuno aqha kumtsulo anani. Hipaqo kumtsu apunu kusu huthu akeu toike.

Atsutsu ngo ayeghiye hauve nani, ikemu itsaye khilemu hauvemo nani.

Kughengu timi kutomono ije lono ishi piighi nani, ‘Niye Mesiya ke,’ eno tipaqono timi kutomo sakughuzu sawuve nani.

“Tileno timino nongu shikighime nike kughaluve nani eno nongu pithive nani. Nonguye ilaumi ke ghenguno timi kumtsuno nongu ju axesu nani. Tipa ghulokilo timi kutomono pano kupulu pheve nani, lakhino lakhi pesu thechu shi nani, eno lakhino lakhi ju axesu nani. Kichile tungkupmi kutomo ipeghi puzu timi kutomo sakughuzu sawuve nani.

Jisu no ishi panoqo khochile, “Kutokupuyi alo eno khuu pelomu nongu sakughuzu sawuvepe kevilo.

Hi ghenguno nongu ghi kutope khe-amasa, kughengu Timi Nu ghi nonguno huqhe moke ghuloki lono ighini cheni.

Tighenguno kutope khealo, kughengu kiu tsala lono nongu Mpeu ighi nani keno nonguye mtha.

“Ikemu tipa tsala eno tipa tuqhudoye khunomu mthae, kungumi thotsu mthae, anu ghi mthae, ikemu Apuh likhino ithi anie.

Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.

Noha tsalalo kiu shikeno Timi Nu ighi nikelo ghi tihutoi shi nani. Azuno yimikeu tsala ighimphi lono-wo Noha no ashukakilo iloke tsala kutolo timiqoye chu shoa eno kulakupu shi ake. Azuno yimi ighike kutolo panonguno kumsu chilelumono ake lono kumtsu yipesu wuve. Timi Nu ighi keloghi tihutoi shi nani.