Popular Bible Verses from MATHI 5

Share

Anyi thola anni chanki pi pala khang cakhu wi chi nten, isala pi ma ketonpen wi ton nu ajjen ciwi anyi tsüdi wegüya thsüden. Tsü makesü anyithu yala nthu kekuli kemehai mu nu nthu Ba tang wi kebenwa sengya thsüle kesalina nthu kewegü ya anyithu tuwi nwegüthu yishü.

“Nthu na ayyi maben ghena kewegüwa ti kesa. Ayikha kesü miwi anyunuti sa ketheng tsüna kuthiya nten.

“Aleben kemethathu na kemihhi ntsa, kepaghenanye mathu Anyiza muyaden!

‘Ketsatan ghena ghama nu dighe ketenthu na kemihhi ntsa, kepaghenanye Anyiza na mathu ya anonkwenya thsüden!

Isala hi khili nthu kizaden: nthu ghinyithu tizenya nu nthu metenmesha ketenthu ghena khielo

“Aghamulen wi ketha-u le kesa kechüthu na kemihhi ntsa, kepaghenanye tang Kadiyyi na mathu ji saden!

“Gweghe kemehaiwa ghena kuli ketenthu na kemihhi ntsa, kepaghenanye Anyiza na mathu pi ma tsangathu le isa ciden!

‘Anongü ketenthu na kemihhi ntsa, kepaghenanye Anyiza na mathu leben satecca cüden!

“Ketsatanwa kekuli ghena nyu mathu metenmesha ketenthu na kemihhi ntsa, kepaghenanye tang Kadiyyi na mathu ji saden!

“Nyu nantizen ketenthu na kemihhi ntsa, kepaghenanye Anyiza na mathu nantizen cüden!

“Nthu na isenkeniethu kesa ghena nyu na nthu kiminni, metenmesha, nu nkemehai tsüdi khi pi nthu shun lethu nthu na kemihhi ntsa. Anonghe nu nongyalo, kepaghenanye nthu thün kemehaiwa tsüna tang wi ben. Kheni anyithu na hatinu nthu tuwi atusenjüh-kechüthu la metenmesha.

“Ccatssü ketenthu na kemihhi ntsa, kepaghenanye mathu Anyiza na khishiketheng tsü muyaden!

“Nthu na ayyi nyi tsüdi ghena amcü ti kesa. Isala amcü na ma kisheng nmila lethu mang la sanu tsü yala sheng neng thsüya nten. Tsüna mangla nyedha, tsalina pi khala nu anyithu na accü pi tsü cütenden.

Nthu Ba tang wi kebenwa na mehai cencu kesa tsüti nthu la mehai cencu nsathu yishü.

‘Anle’ nyelela ‘nyele’ ketan khilo, nthu na tsü miwi kekhi tsüna Atsaghang wina kegho.

“Nthu na hati kekhi la zayadha, ‘Anyon kesü mithon anyon kesü, nu ayha kesü mithon ayha kesü’. Isala hi khili nthu kizaden: nyu na nthu tuwi sazzi lela ajukhi meya lalo. Keujüla nyu na nthu dhibe ajewa cen cü lethu, ma yala nthu dhibe tavüwa la cen thsülo.

Tsalina keujüla nthu nyon ajewa na nthu sa pi sami thsü lethu tsü khushi pi khalalo! Nthu gwo tsüdi pvünu annighajü wi wa kesa tsü nthu gwo wi alen kesü nmila kesawa nthu ghena mehai. Keujüla nthu kwen ajewa na nthu sa pi sami thsü lethu tsü denthi pi khalalo! Nthu gwo tsüdi pvünu annighajü wi wa kesa tsü nthu kwen kesü nmila kesawa nthu ghena mehai.