Popular Bible Verses from MATHI 5

Share

Nmvue me le mah nben pe tha hensin ki mvule makenben bin ge shü njü hünyo; tsonyatselo ka nyukebin nyu aphu gwün nbenlo hünyo. Tsühontse me no hagun tho kegwa hyuo tsangge kebin hagun Pvü zankechwi thyülo nrün genyu hagun keben pe me gwün nben lochi.

“Hagun le kazü keben gü. Rincho ge kebin rünyi le me le a-hyu mvula hümvu.

“A-nyun Kenshün nyu le jochü kepvü tsin; kechamvule tsüdan le Sunggigü hyulo nrün genyu!

“Kentsen füo kenyoketeri thyü kehünyu le jochü kepvü tsin; kechamvule anyugun ginnyülo nrün genyu!

Ai ale hagun ka zoshü ti, hagun rinyu solo, jochü pe hagun swetsü kehünyu tsülo, lo hagun nshwen kehünyu genyu hilo.

“Kapu kipon rhokedyü nyu le jochü kepvü tsin; kechamvule tsangge keda le anyugun hon genyu!

“Gwaketho füshü kehünyu le jochü kepvü tsin; kechamvule tsüdan le Sunggigü nyu, tse kolo nrün genyu!

“A-nyun kenjünkethyü ju le jochü kepvü tsin; kechamvule tsüdan le a-nyun bwenlo nrün genyu!

“Ketsin jo genyu me no nshwen nyhün kehünyu le jochü kepvü tsin; kechamvule tsangge keda le anyugun hon genyu!

“Me shwinjün kehünyu le jochü kepvü tsin; kechamvule tsüdan shwikenjün hyulo nrün genyu!

“A genyu me no hagun nkhin, lo hagun nshwen lo nkuo hagun ge jogwakemvu aphu zolo, hagun le jochü kepvütsin. Hagun sherhünlo, lo hagun kenyü rilo, kechamvule tsangge hagun chün gwasa nrün genyu; tsühontse me le nduka hagun mhundyü kehü sidyükeshanyue nshwen nyhün sa ryü.

“Ketekho kemvunyu le jochü kepvü tsin; kechamvule kazü pe anyugun hon thyülo nrün genyu!

“Lo hagun le kazü tsin so, ai tsi-e a-keyhün ndila yatselo, nyu lope thyü nyhün lo mon? tsüselo thalihi mvulao shwen pe me no kedüla hünyo.

Tsügenyu tsangge kebin hagun Pvü le gwati kethyü hontse hagun ko gwatilo nye.

Ai njo no ‘Ele’ tselo ele, ‘Nmvu’ letselo nmvu letselo; nmvuo tsünyeki chonla yatselo tsüle gwakemvu gü kanyu chwikeryü laso.

“ ‘Yhütyü nme lo yhütyü nme, hü nme lo hü nme tsonti; ’ tson kethyü zo kenjü hagun le shalo laso. Ai ale hagun ka zoshü ti, gwakemvu nyu hontse nya; tsonkethyü mvule me le njon njüzin vüshülo kecha kipon-e kerüni pe tsü nye.

Lo nyhütyü njüzin le nthyü nshvulo nge tsü tseritho pe shwenla chi: kechamvule nmin aphu pe Gehena mah nyu shüla nrün we nthyü jünme ndi kela gü le nkechwi genyu. Tsüntimvule nben njüzin le nthyü pe nshvulo, nge tsü duthü pe shwenla chi: kechamvule nmin aphu pe Gehena nyu rola nrün we nthyü peha ndi kela we nkechwi genyu.