Popular Bible Verses from MATHI 10

Share

“Hire, tanyü le teken dan nyu keyü hontse ale hagun nishü güzhü nyo; tsügenyu hagun peri do kegwa hontselo, lo nsu jvü kegwa hontselo.

Temi ligü higüe a-phou sope a-hon thyükelogü tsüle nke lati; lo temi ligü higüe a genyu a-phou nke kela gü le tsü lope a-hon thyü loti.

Lo nthyü nmin higü dushvulae, Kapugü dushvulo keho gü tsü nshvu nya nye; ai Kapu lo thyümin-e sin pe mahzi nyu boshvula lo kegwa gü nshvulo nye.

Lo temi ligü higüe a-npvü a-krus pen-o A sithen mvu yatselo atemi thyü kümvu.

“Tsügenyu temi ligü higüe temi mhundyü ka Azan pe zolo, ako tsangge kebin Apvü mhundyü nyu tsünyu zan pe zoti. Ai temi ligü higüe temi mhundyü ka azan pe zomvulo, Ako tsangge kebin Apvü mhundyü ka a-zan pe zo loho.

Lo kehonyu thyü kesherhün shü, kesinyu thyü nrhün shü nye, lo nyun le ketyünyu thyü nshün shü, tero gwakemvu hüla chi. Hagun le kerunnyu hyulo, tsügenyu kenrun nyu pe zhünshü nye.

Tsügenyu hagun nshvu nya nye; rinyu kechon we mvu hagun we gwakvu!

“Ale gwaketho khipe kazü nyu shüti tse tsüryü letse rüchün nya. Ale gwaketho mvule zhethon khishü titse ryü.