Popular Bible Verses from LUK 7

Share

Tsügenyu hire, ale nka zoshü ti, a-kemu gonri kehü tsü jü pe a-tsü laso; a-le aso arüno sa kethyü genyu. Ai kerho jü pe ketsü gü le meso rho.” Tson-o a-le tenunyu tsügi ka, “Nkemu jü pe ntsüshü la sele nye,” tsonshü.

Tsüselo a-le tenugi ka, “N ketenyen le nkenilo la sele nye; ndyüben-o gunlo!” tson.

Tson-o a-yhüphu che pe Jisu pha nye nye tse bin, tson-o tsüsiki we a-shün pe a-pha shonlao a-pha nbo, lo a-le terzü lope a-pha nyen tsebin.

Tsügenyu n ngükae nki ryü mvu laso; ai nle jo konme zoshüe agogü le gwalo ti. Ako kedanyu hensin nyu kehünyu nme, lo a hensin kie shüpahünyu le bin. Lo ale nme ka, ‘Nle gun nye,’ tsonshülo a-le ajo zen-o gun hünyo; lo kechanyu nme ka, ‘Ryülo,’ tsonshülo a-ko ryü hünyo; lo agonyu ka, ‘Nle tha higü hithyü shü re,’ tsonshülo a-ko tsüthyü pe atsü hünyo.” Jisu le jo tsü shalo-o, temi tsügü rüla sha pe a-dun thyüo, ranigü temi a-sithen kehü dan ka, “Hire, ale hagun ka zoshü ti, ale Israelnyu dan nyue a-ketenyen le hihontse kethyü keda hyu shwimvu!”

Tsükatsü Jisu le, me kehokenyü, kethyükenyü lo gwakemvu kapu no nchün ndyü kehünyue kechon thyü kesherhün shü; lo a-yhütyü keponyu yhütyüe kechon thyü ngwa shü. Tson-o a-le tsühvu ka, “Hai gungü hai le kesha kehyu aphu pe Johan ka zoshü chi; a-yhütyü keponyu le tha hyulo bin laso, terotho nyue tsonchülo bin laso, nyun le ketyünyue thyünshünlo bin laso, a-nyetin gwakemvunyue thakhwenyülo bin laso, kesinyue thyü nrhünlo bin laso, Jolokegwa gü zope kendinyu hishü bin laso.