Popular Bible Verses from LUK 6

Share

Hagun le tha khipe me tsülo, tson yatselo me-e tha khipe hagun tsüti; tsüntimvule mele ndo sa, lo nyenketseryü, lo sen kedüe sin, lo sükelae pe hagun phi nyu shüshü ti. Kechamvule hagun le ndo keshü nyu me ko tsünyu ndoni pe hagun tsü nrün genyu.”

Temi kegwanyu le a-nyun ki kebin a-hon khin nyu tha kegwa sen chwiryü hünyo; lo temi gwakemvu nyue a-hon khin gwakemvu nyu tha gwakemvu senchwiryü hünyo; kechamvule a-nyunki tha kechon le kebin tsü a-mün nyu zoshwi chwiryü kehü genyu.

Ai hagun we hagun shwikerüchün nyu solo, lo tsüdan ge hagun jvü gwalo, lo hagun le temi nme ge-e hagun shese nyao tha pe me tepulo chi. Tsonlo yatselo hagun le kenrun nyu tha kechon hyulo ti, lo hagun le ketetsotsin gü nyu thyülo ti; kechamvule a-le me shwennyü hü kemvunyu lo serikemvunyu ge-e a-jvü gwa kehü genyu.

Hagun Pvü tsangge kebin gü le me njün kehü hontse hagun ko me shwinjün lochi.”

“Hagun le me jo kera nya, tson yatselo me-e hagun jo kera loho; hagun le me nmu nya, tson yatselo me-e hagun nmu loho. Hagun le me hoshüla yatselo me-e hagun hoshü lati.

“Ai hagun a jo nyü kehünyu dan ka zoshü ti: hagun we hagun shwikerüchün nyu so gwalo, lo mele hagun shwinyü mvu kehünyu ge hagun jvü gwalo chi. Hagun le jochü pe mele hagun swetsü kehünyu tsülo; lo mele hagun nshwe kehünyu genyu kehithyü lochi.

Lo mele hagun ge nyu thyüshülo hagun kenyü yo hagun ko me ge tsühontse thyü shü chi.

Mele njonto nme zin vülo kecha kipon-e pvükerü pe tsü shünye; lo temi nme le nphi selo titselo nmirün-e pe a-tsü tepen nya. Temi lihigüe nka tha hi yatselo, pe a-tsüshü chi; lo mele nhon se sen tinla yatselo hini nya.

“Tsüntimvule senbin kegwa nme le a-sha gwakemvu; lo senbin gwakemvu nme-e a-sha kegwa nshalo shwi hü mvu; lo senbin lihi-e mele a-sha ge a-shalo hünyo.

Lo tsehü bin ge kherosha lülo hümvu; nmvue mele mvutsi bin ge vainsha lülo hümvu.