Popular Bible Verses from MATTHAI 7

Share

“Ngen un, piak in na om ding uhi; zong un, na mu ding uh; kiu un, a hon honsak ding uhi

Kuapeuh a ngen in a mu a; kuapeuh a zong in a mu a; kuapeuh a kiu honsak in a om ding hi.

“Huchi in michih hiai ka thuza a, zui peuhmah, mi pil suangpi tung a inn lammi toh ka teh ding hi.

“Huaiziak in, thil bangkim min na tung ua a hih ua na deih bang uh, mi tung ah leng hihsam un; huai Dan leh zawlneite thu ahi him hi.

Hinna a paina kong a kawchik a a lam a neu hi, a tawnte tawmchik ahi uh.

“Kong kawchik ah lut un; manthatna a paina kong a za a, a lam leng a lian a, huai a lut tam leng a tam mahmah uhi.

Huchi hileh nou migilou in bawn, na tate uh thil hoih piak dan na theih un, na Pa uh van a om in a ngente thil hoih pe zawsem louding hia?

“Vai hawmsak kei un, vai hawmsak na hihlouhna ding un. Na vai hawmsak mah bang in hawmsak in na om ding uh, na tehna ngeimah un a hon tehsak nawn ding uhi.

Huan michih, hiai ka thuza a zomlou peuhmah, mihai piaunel tung a inn lammi toh ka teh ding hi.

Huan bangdia, nangmah mit a singtum om ngaihtuahlou a, na unau mit a ninneng neuchik mu na hia? Bangchi’n na unau kiang ah, Na mit a kipan huai ninneng neuchik hon lakhe sak ve, na chih theih ding? Ngai in, nangmah mit mahmah ah singtum a om nilouh ngal a.

“Zawlnei takloute lak ah pilvang un, amaute belam vun silh in na kiang uah a hongpai nak ua, a sunglam uh nge duhgawl pipi ahi uhi. Amau a gah uah na thei ding uh. Khaulingnei gui ah grep gah a lou ngei ua hia?

Lenling ah leng theipi a lou ngei ua hia? Huchi mah bang in sing hoih peuhmah a gah hoih a; sing sia a gah se nak hi.

Sing hoih a gah se theikei, sing sia gah a hoih theisam kei hi.

Singchih gah hoihlou a phuk ua mei ah a pai uhi.