Popular Bible Verses from MATTHAI 10

Share

“Ngai dih ua, ngia lak a belam om bang in k’on sawlkhia hi: gul bang a pilvang, vakhu bang a poi khoihlou in om un.

Kuapeuh a hinna mu in a tan ding a, keimah ziak a a hinna tan in a mu ding hi.

Huan sapum that a kha that theiloute kihta kei unla; Gehenna a kha leh sapum hihmang theipa kihta zaw un.

Kuapeuh a Kros pua a hon zuilou ka mi hitak ahi kei.

“Huchi in mite ma a hon gum peuhmah, ka Pa van a om ma ah ka gum sam ding hi. Himahleh kuapeuh mite ma a hon kitheihmohbawl, ka Pa van a om ma ah ka kitheihmohbawl sam ding hi.

Damloute hihdam unla, misite kaithou unla, phakte hihsiangthou unla; dawite hawlkhia un, a thawn in na mu ua, a thawn in pia un.

Huaiziak in lau kei un; kawlgit tampi sang in na manpha zaw uhi.

“Leitung a lemna lengsak ding a hongpai honsa kei un; lemna lengsak ding hilou in namsau lengsak ding a hongpai ka hi zaw.