Popular Bible Verses from GENESIS 39

Share

TOUPA Joseph kiang ah a om a, amah mi lohching tak ahi a; a pu Aigupta mi inn ah a om hi.

Huchi in a neih tengteng Joseph khut ah a koih a, a neih teng, a annek kia lou ngal a theipih kei hi. Joseph pianhoih leh melhoih tak ahi.

Huchi in, suangkulh vengmi in suangkulh a tang tengteng Joseph khut ah a kemsakta hi. Huchi in, huai a, a hih peuhmah uh Joseph hih ahi.

Huchi in, Joseph pu in amah a pi a, suangkulh, kumpi suangkulhtangte khumna mun ah a khum a; huchi in suangkulh ah a omta hi. Himahleh TOUPA Joseph kiang ah a om a, a tung ah a zahngai a, suangkulh vengmi a hehpih sak hi.

Huai nung in hichi ahi a, a pu zi in Joseph a ngaih et a; “Hon luppih in” a chi hi. Himahleh a utkei a, a pu zi kiang ah, “Ka pu in hiai inn ah ka kiang ah bangbang a om a chih lah a thei ngalkei a, a neih tengteng ka khut ah a koihvek hi. Hiai inn sung ah kei sang a lian zaw kuamah a omkei. A zi na hih ziak in nang kia loungal, kei a kipan bangmah it a neikei hi. Bangchi’n hiai khelhna liantak hih in Pathian tung ah thil ka hihkhial thei dia?” a chi hi.

Huchih lai in hichi ahi a, a nna sem ding in inn sung ah a va lut a; inn sung ah mi himhim kuamah a omkei hi. Huchi in aman, “Hon luppih in” chi in a puansilh in a na man a, aman a puansilh a khut a nusia in a taikhia hi.