Popular Bible Verses from NASEPTE 2

Share

Peter in a kiang uah, “Na khelhnate uh ngaihdamna ding in lungsim khek unla, Jesu Khrist min in baptisma tangchiat un; huchi in Kha Siangthou thawnpiak na tang ding uhi.

Huan sawltakte thusinsakte sin in, kithuah in, tanghou balkham in, thum in, phatuamngaitak in a omkhawm uhi.

Huchi in avek un Kha Siangthou in a luahdimta a, Kha in hihtheihna a piak a a pausak bangzel in pau dang in a pauta uhi.

Thakhat in van a kipan ging huihpi nung bang in a hongom guih a, huchi in huai in a tutna inn uh a hihdim vekta hi, leite amah leh amah mei bang a kihawm in, a lutung uah a hong tuang chiat hi. Huchi in avek un Kha Siangthou in a luahdimta a, Kha in hihtheihna a piak a a pausak bangzel in pau dang in a pauta uhi.

Huan niteng in, lungsim munkhat in, Pathian biakin ah phatuamngaitak in a om zelzel ua, a innte uah leng tanghou balkham in, nuam leh lungkim in, a an uh a ne zel uhi. Pathian a phat ua, mi tengteng deihsak in a om uhi. Huan a hotdam lel peuhmah Toupa’n niteng in a kiang uah a behlap sakzel hi.

‘Pathian in, ni nanungte ah hichi ahi ding, mi tengteng tung ah ka kha ka sungbaw ding a; na tapa leh na tanute’n ka thu a hilh ding uh; na tangvalte un kilaknate a mu ding ua, na putekte un mang a nei ding uh.

A gingta peuhmah in bangkim a kikop khawm uhi. A goute uh, a thilneihte uh a zuak ua, a deihdong chinglel chiat in avek ua kiang ah a hawmzel uhi.

Huan hichi ahi dia, Toupa min lou peuhmah hotdam in a om ding hi.’

Ni mial a suak ding a, kha sisan a suak ding, Toupa ni thupitak leh lauhuaitak a hongtun ma in.