Popular Bible Verses from मरकुस 6

Share

असन येसुस गुसन बग्‍गे आलर काला बर'आलियर। ई चड्डे आर गे मं‍डी ओना गे हूँ बेड़ा मल ख़क्‍खरा। औंगेम आस आरिन आनियस, “एंग्‍है गने बरा, नाम एकअम उछिन्‍द अड्डा नू कालरकी कटिक ख़न्‍न ऎख़्र'ओत।”

येसुस आरिन बाचस, “धर्मेसी कत्‍था तिंगुस गे तंग्‍है नगरे नू अरा तंग्‍है पाहियर नू अरा तंग्‍है एड़पा नू लेका म‍ईन माल मनी।”

येसुस डोंगा ती इत्तियस ख़ने पिंडी नू कोहाँ गोंहड़न ईरियस। आस गे आर ही म‍इय्‍याँ सोग्‍गे लग्‍गिया, एन्‍देरगेका आर ख़ापुर मलका भेंडो लेक्‍खा रहचर। ख़ने आस आरिन कैनो गोटंग कत्‍था ही पत्त नू सिखाब'आ हेलरस।

आस असन बग्‍गे अकबक नलख मल नंजस। एन्‍देरगेका नासरेत पद्दा ता आलर मल पत्ताचर का आस मसीस हिकदस। ख़ने आस जोक्को रोगियर म‍इय्‍याँ लेका तंग्‍है ख़ेक्खा उइय्‍यरकी आरिन कोड़े नंजस। आर आसिन मल पत्ताचर इदन आस ऎररकी अकबकरस केरस। अरा येसुस तंग्‍है चेलर गने पद्दा पद्दा नू कालरकी आलारिन सिखाब'आलियस।

येसुस अबड़ा पांच असमन अरा ऎंड़ इंजोन होच्‍चस, अरा मेर्ख़ा तरा ऎररकी आद गे धर्मेसिन धन्‍यवाद नंजस, अरा असमन अरा इंजोन किच्‍चियस ती अदिन ख़ट्टा गे चेलर गे चिच्‍चस। चेलर ओर्मर गे अबड़न ख़ट्टियर। आर ओर्मर मॊख़रकी उड़चर केरर। अरा चेलर बारा डउड़ा एंगरका टुटका असमन अरा इंजोन ख़ॊंड़चर।