Popular Bible Verses from मरकुस 5

Share

ख़ने आस अदिन बाचस, “ख़द्दे, नीन एंगन पत्ताचकी का ऎन निंगन उजग'आ ओंग्दन, आदिम निंगन उजगाचा, दौ गने किर्रिमबि'अय, अरा नीन ई रोगे ती उजगार'अय।”

असन ओन्‍टा आली रहचा। आद बारा बछर ती ख़ॆंस काना रोगे ती लिं‍ड़िरकीचा। आद बग्‍गे बैधर गुसन कमत'अना ती दुक्‍खे चॊद'अरकी उर्मी खुर्जिन मुंजिया चिच्‍चा। अन्नु हूँ कोड़े मल मंजा। लिकिन रोगे बग्‍गे जित्तरा केरा।

ख़ने लेथेम आद ही ख़ॆंस काना ठकरा केरा। अरा आद तंग्‍है मॆद नू अक्‍खा, का आद तंग्‍है रोगे ती उजगारा।

तहाँ आस कुक्‍के ही ख़ेक्खन धर'अरकी अदिन अरामी भखा नू बाचस, “ तलिता कूम” एकदा ही माने “सन्नी कुक्‍के ऎन निंगन ब'अदन, चो'अय”।

येसुस इदन कछनख्र'आलियस, ख़नेम गोड़हा एड़पा ता मुद्धस याईरसी एड़पा ती जोक्को आलर बरचर। अरा आर याईरसिन बाचर, “निंग्‍है ख़द्द गा केच्‍चा केरा। अक्‍कुन गुरुसिन अकबकामब'अना ही चाड़ मल्‍ला।” आर तिंगियर अदिन येसुस मल मेना भेंसरस, अरा गोड़हा एड़पा ता मुद्धासिन बाचस, “अमा एल्चा! एंग्‍है म‍इय्याँ पत्त'अनन लेका उइय्‍या।”

ख़ने येसुस आसिन बाचस, “हे मलदौ बॊलता, ई आलस ती उरखय बरय।” ख़ने आस चिच्चि‍यारनुम बाचस, “हे येसु! उर्मी ती कोहाँ धर्मेसी ख़द्दायो, एंग्‍है गने निंगा एन्‍देर नलख? ऎन धर्मेसी नामे ती किरया मॊख़दन का एंगन दुक्‍खे अमा चि'आ।” येसुस आसिन मेंजस, “निंग्‍है एन्‍देर नामे?” आस येसुसिन बाचस, “एंग्‍है नामे लेगिऒन, एन्‍देरगेका ऎम बग्‍गे र'अदम।”