Popular Bible Verses from मरकुस 14

Share

अरा आस बाचस, “अना एंग्‍है बंगायो, निंग्‍है ती उर्मी दिम मना उंगी। औंगे एंग्‍है ई दसा ती बछाब'आ, होले ऎन अक्‍कुन खिलपत अम्‍बोन मना। लिकिन एंग्‍है मने लेक्‍खा मला, निंग्‍है मने लेक्‍खा नना।”

ऎन एन्‍देर बाचकन अदिन नीम नना गे गा बेद्ददर, लिकिन अदिन नना गे निमा पूरेम सवंग मलकी। औंगे जॊहचका र'आ अरा बिन्‍ती नना का निम्‍है बिड़दो नू इन्द्रिइम बर'ओ होले नीम छेक'आ ओंगोर।”

ऎन निमन ओन्‍टा मुदे कत्‍था तेंगदन, सौंसे ख़ॆख़ेल नू एक्‍स‍अनिम दौ कत्‍था तेंगर'ओ असन ईद ही नलख ईद ही सुरता गे तेंगतार'ओ।”

अरा आस आरिन बाचस, “ऎन नगदे हेन्‍दवारदन, अरा ईद एन्ने हवे ऎन खे'अना ही बेड़ा नू र'अदन। नीम इसन र'आ अरा जॊहचका र'आ।”

आर मॊख़ालियर, ख़ने येसुस असमन होच्‍चस ती धर्मेस गे धन्‍यवाद नंजस। फिन अदिन किच्‍चियस, अरा चेलर गे चिच्‍चस अरा बाचस, “ओन्‍दा, मॊख़ा, ई असमा एंग्‍है मॆद हवे।”

फिन आस ओन्‍टा डुभा नू अंगुर रासिन होच्‍चस, अरा धर्मेस गे धन्‍यवाद नंजस। अरा आस अदिन आर गे चिच्‍चस। अरा आर आ डुभा ती ओं‍डर। ख़ने आस आरिन बाचस, “ई अंगुर रासी एंग्‍है ख़ॆंस हवे एकदा ऎन बाहत'आ गे कालालदन, ई ख़ॆंस ती ऎन बग्‍गे आलारिन पाप ती अम्‍बा गे धर्मेस नंजका गच्‍छरकन बड़ियर ननोन।

ख़ने येसुस आरिन बाचस, “नेम्हा पुथी नू एंग्‍है पत्त नू लिख्रकी र'ई, ‘ऎन महरासिन पिटोन, अरा आसी भेंडो भिड़कार'ओ कालो’ एन्ने नीम ओर्मर एंगन अम्‍बोर ती बोंगोर क'ओर।

चो'आ, आसी तरा क'ओत! ऎरा! एका ओर्तोस एंगन धर'आ गे संगे चि'अदस आस हेद्दे बर'आलदस।”

ख़ने येसुस आसिन बाचस, “ऎन निंगन ओन्‍टा मुदे कत्‍था ब'अदन, इन्नम ई माख़म दुई हॆल ख़ॆर चींख़ना ही मुन्‍द नीन तीन हॆल एंगन बलदन ब'ओय।”