Popular Bible Verses from मरकुस 11

Share

औंगेम ऎन निमन ब'अदन का नीम निम्‍है बिन्‍ती नू इन्द्रिइम ने'ओर होले, अदिन पत्त'आ का ऎम ख़क्‍खोम। होले धर्मेस अदन निमा गे ननोस।

ऎन निमन ओन्‍टा मुदे कत्था ब'अदन, एक‍अम ओर्तोस ई परतन ‘नीन चडर'अय कलय अरा समुदर नू खत्तर'अय कलय’ ब'अरकी तंग्‍है जिया नू धुकुर पुकुर मल ननरकी ऎन एन्‍देर ब'अदन आद मनो अन्ने पत्त'ओस होले, धर्मेस आस गे अदन ननोस।

इकल‍अम नीम बिन्‍ती नन्‍दर होले, निम्‍है जिया नू नॆख‍अम बिड़दो नू आर ही इन्द्रिइम अक्‍का-बलका र'ई होले आसिन छमा नना, होले निम्‍है मेर्ख़ा ता बंगस हूँ अन्नेम निम्‍है अक्‍का-बलकन छमा ननोस।

ख़ने येसुस चेलारिन आनाकिर्त'अर बाचस, “धर्मेस म‍इय्‍याँ पत्त'आ का आस एन्‍देर नना गे नीम ने'अदर अदिन निमा ननोस।

तहाँ आस अबड़ा आलारिन सिखाबाचस, अरा बाचस, “नेम्हा पुथी नू ईद एन्ने लिख्रकी र'ई का, ‘एंग्‍है मने र'ई का एंग्‍है एड़पन उर्मी जातियर एंगन ओहमा नन्ना अरा बिन्‍ती नन्ना ही एड़पा ब'ओर।’ लिकिन नीम इदिन डाकुर ही अड्डा कमचका चिच्कादर।”

आसी मुन्‍द ईकुर अरा ख़ॊख़ा ईकुर चिच्चि‍यारनुम बाचर, “धर्मेसी महबा मनन! धर्मेस ईसिन बरकत नन्‍दस नॆ उर्बासी आकुस गने बरदस।

धर्मेस निंगन बरकत नन्‍दस नेक‍अन, नॆ पूरखा दाऊद बॆलस बेसे राजी ननोस। उर्मी ती म‍इय्याँ मेर्ख़ा नू र'ऊ धर्मेसी महबा मनन।”