Popular Bible Verses from मरकुस 10

Share

एन्‍देरगेका मनवा ख़द्दन ऎन हूँ आलारिन तेतर-सुसर नन्‍त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

येसुस आरिन ऎररकी बाचस, “आलर ती गा ईद मना पुल्ली, लिकिन धर्मेस ती ईद मनो दिम। एन्‍देरगेका धर्मेस उर्मिन दिम नना ओंग्दस। औंगे जोक्को आलर बछर'ओर।”

तहाँ येसुस बाचस, “कला, नीन एंगन पत्ताचकय ख़ने ऎन निंगन कोड़े नन्‍दन।” आ आलस लॆम ऎरा उंगियस, अरा डहरे नू आसी गने केरस।

औंगे नॆकन धर्मेस जोड़चस आरिन नॆ हूँ अम्‍बोर छिंडा।”

येसुस आसिन नगदे चोन्‍हा नंजस अरा आसिन ऎररकी बाचस, “नीन अक्‍कुन गूटी ओन्‍टा कत्‍थन मल नंजकादय, कला, नीन निंग्‍है उर्मी खुर्जिन बीसरकी कीड़र गे ख़ट्टा चि'आ। फिन बरा अरा एंग्‍है गने चॊंख़्र'आ। होले निंगा मेर्ख़ा नू इनाम ख़क्ख्र'ओ।”

ख़ने येसुस आसिन बाचस, “नीन एन्‍देर बेद्ददय का निंगा गे ऎन ननोन?” अन्‍धहास आसिन बाचस, “अना गुरु! ऎन ऎरा बेद्ददन।”

लिकिन निमा अन्ने मल नन्ना र'ई, नीक‍ईम निम्‍है मझी नू कोहाँ मना बेद्ददस होले, आस नन्नर गे तेतर-सुसर ननुस मन्ना र'ई।

ऎन निमन ओन्‍टा मानिम कत्‍था ब'अदन, एकासे ख़द्दर अयंग बंगर गे सोंपरनर अन्नेम एका ओर्तर धर्मेस गे सोंपरनर आरिन दिम धर्मेस राजी ननोस।”

अजम आलर नॆ अक्‍कु कोहाँ पद नू र'अनर, आर बरना उल्‍ला नू उर्मी ती किइय्‍या पद मनोर कालोर। अरा अजम आलर नॆ अक्‍कु उर्मी ती किइय्‍या पद नू र'अनर, आर बरना उल्‍ला नू कोहाँ पद मनोर कालोर।”

लिकिन इकला धर्मेस उर्मी जिनिसन ख़ॆख़ेल नू गढ़चस, अउला धर्मेस आरिन आलस अरा आली ननरकी कमचस। ई चड्डे आलस तंग्यो तम्‍बन अम्‍बरकी तंग्है ‍आली गने र'ओस। आर इरबरदिम ओन्‍टा आल लेक्‍खा मनोर। औंगे अक्‍कु आर धर्मेसी ऎरना नू ऎंड़ मला ओन्‍टा आल हिकनर।