Popular Bible Verses from PHILIPPI 4

Share

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

Bad ka jingsuk U Blei kaba palat ïa ka jingshemphang briew baroh, kan ri jai jai ïa ki dohnud jong phi, bad ïa ki jingmut jong phi ha U Khrist Jisu.

Ha kaba wai noh, ko parabangeit jong nga, to pyndap ïa ki jingmut jong phi da kito kiei kiei kiba bha bad kita kiba dei ïaroh: Kiei kiei kiba shisha, kiba donburom, kiba beit, kiba khuid, kiba itynnat, bad kiba donburom.

Nga don ka bor ban mad ïa baroh ki jinglong da ka bor kaba U Khrist u ai ïa nga.

Ai ba phin shadkmen borabor ha U Trai; nga ban biang ïa ka: To ïakmen.

Bad da baroh ka spah bakyrhai jong u lyngba U Khrist Jisu, U Blei jong nga un pyndap ïa ka jingdonkam jong phi baroh.

Pyntreikam ïa kaei kaba phi la nang bad ïohpdiang na nga, na ki ktien jong nga bad ki kam jong nga. Bad U Blei uba ai ha ngi ka jingsuk, un long lem bad phi.

To pynpaw ïa ka jinglong jemnud sha uwei pa uwei baroh. U Trai u la jan wan.

Nga sngewthuh kumno ka long haba kyrduh, bad kumno ka long ban don pahuh kyrhai. Nga la nang ïa kane ka buit barieh, ba hangno hangno ha kano kano ka por, nga sngewhun haba lada nga sngewdap kyrhai ne sngew kyrduh lane haba nga don palat than eh ne don khyndiat eh.

Bad ngam shym ong ïa kane namar ba nga la shah leh klet, naba nga la nang ban sngewhun ha kaei kaba nga don.