Popular Bible Verses from MARKOS 2

Share

U Jisu u la ïohsngew ïa ki bad u la jubab, “Ki briew kiba khiah kim donkam ïa u nongpynkhiah, hynrei tang kito kiba pang. Ngam shym la wan ban khot ïa ki briew kiba donburom, hynrei ïa kiba la shah kyntait.”

Haba U la ïohi haduh katno ba ki don ka jingngeit, U Jisu u ong ha uta uba pang ïapshiliang, “Ko khun jong nga, ïa ki pop jong me la map.”

Bad U Jisu u la pynkut, “Ïa ka Sabbaton la thaw na ka bynta ka jingbha u briew; ïa u briew ym shym la thaw na ka bynta ka Sabbaton.

Na ka daw jong u paidbah, kim shym la lah ban wallam ïa uta u briew sha u. Kumta ki la weng ïa ka jingsop na ka tnum ïing hamar ka jaka ba U Jisu u don. Haba ki la dep weng ïa ka jingsop ïing, ki la pynhiar ïa uta u briew shapoh, u da thiah ha ka jingthiah jong u.

Ngan pynshisha ha phi, te ba U Khun U Briew u don ka bor ha ka pyrthei ban map ïa ki pop.” Kumta u la ong ha uta u briew ba la ïapshiliang, “Nga ong ïa me, to ïeng, to rah ïa la ka jingthiah, bad to leit noh sha ïing!”

Hato ka long kaba kham suk ban ong ha une u briew uba la ïapshiliang, ‘Ïa ki pop jong me la map’ ne ban ong, ‘To ïeng, to rah ïa la ka jingthiah, bad to ïaid’?

Katba baroh ki dang ïa-peit, uta u briew u la ïeng joit, u la rah ïa la ka jingthiah, bad mar kumta hi u la leit noh. Baroh ki la ïa-sngewlyngngoh haduh katta katta bad ki la ïaroh ïa U Blei, ki da ong, “Ngim pat ju ïohi kum kane kaei kaei!”