Popular Bible Verses from MATTHAÏOS 28

Share

Kumta, khie leit, sha ki briew baroh kylleng bad pynlong ïa ki, ki synran jong nga: To pynbaptis ïa ki ha ka kyrteng jong U Kpa, U Khun, bad U Mynsiem Bakhuid, bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

U angel u la kren ha ki kynthei. “Phim dei ban sheptieng,” u la ong. “Nga tip phi ïawad ïa U Jisu, uba la shah sahnarphna. Um don hangne; la pynmihpat ïa u, kumba u la ong. Ale hangne bad peit ïa ka jaka ha kaba u la thiah.

“Wat sheptieng,” U Jisu u la ong ha ki. “Khie leit bad ïathuh ïa ki para jong nga ban leit sha Galilaïa bad hangta kin ïohi ïa nga.”

Ki rangbah lyngdoh ki la ïakynduh ïa ki tymmen ki san bad ki la ïathaw buit; ki la ai shibun ka pisa ïa ki shipai, bad ki la ong, “Phi dei ban ong ba ki synran jong u ki la wan mynmiet bad ki la tuh ïa ka met jong u katba phi dang ïohthiah. Bad lada u lyngskor un ïohsngew ïa kane, ngin pynngeit ïa u ba phi long ki bymtip ei ei, bad phin ym don ei ei ban khuslai.” Ki nongap phira ki la shim ïa ka pisa bad ki la leh ïa kaei kaba la bthah ïa ki ban leh. Bad kumta, kata ka long ka jingïathuh kaba la pynsaphriang kylleng da ki Jiw haduh kane hi ka sngi.