Popular Bible Verses from MATTHAÏOS 2

Share

Ki la leit rung shapoh ka ïing, bad haba ki la ïohi ïa u khunlung lem bad ka kmie jong u ka Mari, ki la dem khohsiew bad ki la mane ïa u. Ki la sei ïa ki jingai sngewbha jong ki da ka ksiar, ka jingiwbih bad ka Mirr, bad ki la ai ïa ki ha u.

Ïa U Jisu la kha ha ka shnong Bethlehem ha Judia, ha ka por mynba u Herod u long u syiem. Shen hadien kata, katto katne ki rangbah kiba la peit bniah ïa ki khlur ki la wan na sha mihngi sha Jerusalem bad ki la kylli, “Hangno u don u khunlung uba la kha ban long u syiem jong ki Jiw? Ngi la ïohi ïa u khlur jong u mynba u la mih ha ka phang mihngi, bad ngi la wan ban mane ïa u.”

Bad kumta ki la mihnoh, bad ha ka jingïaid lynti jong ki, ki la ïohi ïa ujuh u khlur uba ki la ïohi ha ka phang mihngi. Haba ki la ïohi ïa u, katno ki la kmen eh, ka jingkmen jong ki kaba haduh katta katta! U la leit ha shuwa jong ki tad haduh ba un da sangeh halor ka jaka ha kaba u khunlung u don.

Nangta ki la leit phai noh sha la ka ri na kawei pat ka lynti, namar U Blei u la maham ïa ki ha ka jingphohsniew ban ym leit phai pat sha u Herod. Hadien ba ki la lah mihnoh, u angel jong U Trai u la paw ha ka jingphohsniew ha u Joseph bad u la ong, “U Herod un sa wad ïa u khunlung khnang ban pynïap ïa u. Kumta to ïeng joit, ïalam ïa u khunlung bad ïa ka kmie jong u bad phet noh sha Ijipt bad sah hangta tad haduh ba ngan da ong ïa me ba men mihnoh.”