Popular Bible Verses from MATTHAÏOS 1

Share

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

Katba u dang puson halor kane, u angel jong U Trai u la mihpaw ha u ha ka jingphohsniew bad u ong, “Ko Joseph, uba hiarpateng na u Dabid, wat sheptieng ban shim ïa ka Mari ban long ka tnga jong me. Namar dei da U Mynsiem Bakhuid ba ka la punkhun.

Kane ka long kumno ka jingkha ïa U Jisu Khrist ka la jia. Ka kmie jong u ka Mari ka la ïatehktien bad u Joseph, hynrei ha shuwa ba kin ïashongkurim, la shem ïa ka ba ka la punkhun na U Mynsiem Bakhuid. U Joseph u long u briew uba ju ïai leh borabor ïa kaba dei, hynrei um kwah ban pynjahburom ïa ka Mari ha kaba paw; kumta u la thmu ban pynkut noh ïa ka jingïatehktien ha kaba jar jar.