Popular Bible Verses from MATTHAÏOS 18

Share

Namar haba ar lane lai ngut ki ïawanlang ha ka kyrteng jong nga, nga don hangta lem bad ki.”

“Bad nga ong shuh shuh ha phi: Ha man ba ar ngut na phi, phi ïamynjur shaphang kaei kaei kaba phi ïa-pan, yn ai ïa kata ha phi da U Kpa jong nga uba ha bneng.

Kumta U Jisu u la khot ïa u khynnah, u la pynïeng ïa u ha khmat jong ki, bad u la ong, “Nga pynthikna ïa phi ba lymda phi kylla bad long kum ki khynnah, phin ym ïohrung da lei lei shapoh ka Hima ki bneng.

Uba khraw tam hapoh ka Hima ki bneng u long uta uba pynrit ïa lade bad uba long kum une u khynnah.

Bad uno uno uba pdiang sngewbha ha ka kyrteng jong nga ïa uwei uba kum une u khynnah, u pdiang ïa nga.

“Bad kumta nga ong ha phi baroh: ïa kaei kaba phi khang ha ka pyrthei yn khang ha bneng, bad ïa kaei kaba phi shah ha ka pyrthei yn shah ha bneng.

Bad U Jisu u la pynkut, “Kata ka long kumno ba U Kpa jong nga uba ha bneng un leh ïa uwei pa uwei na phi lymda phi ïamap ïa la u hynmen u para naduh ka dohnud.”

“Uno uno u ban pynlong ïa uwei na kine kiba rit ban duh noh ka jingngeit ha nga, ka kham bha ïa uba kum uta u briew ban pynteh da u mawtylliat uba heh ha ka ryndang jong u bad ban pynngam jyllop hapoh ka duriaw bajylliew.

“Phi pyrkhat kumno un leh u briew uba don shispah tylli ki langbrot bad kawei na ki ka jah noh? Un iehnoh ïa kiwei pat ki khyndaiphew khyndai tylli ban bam phlang ha ki sharing lum bad leit bad wad ïa ka langbrot ba la jah.