Popular Bible Verses from MATTHAÏOS 10

Share

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.

Uno uno uba pyrshang ban pynïoh myntoi ïa la ka jingim un duh noh ïa ka, hynrei uno uno uba duh noh ïa la ka jingim na ka bynta jong nga un ïoh ïa ka.

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

Uno uno u bym shim ïa la ka diengphna bad bud ha dien'jat jong nga um long uba bit ban long u synran jong nga.

“Lada uno uno u pynbna ha kaba paw ba u long u jong nga, ngan leh kumjuh ha khmat U Kpa jong nga uba ha bneng. Hynrei lada uno uno u kyntait ïa nga ha kaba paw, ngan kyntait ïa u ha khmat U Kpa jong nga uba ha bneng.

To pynkhiah ïa kiba pang, to pynim pat ïa kiba ïap, to pynkhiah ïa kito kiba shitom na ki jingpang 'ñiangthohlieh, bad to beh noh ïa ki ksuid. Phi la ïohpdiang ei, kumta to ai ei.

Kumta wat sheptieng, phi kham kor bun shah ban ïa shibun ki sim ïing.

“Wat mut ba nga la wan ban wanrah ka jingsuk sha ka pyrthei. Em, ngam shym la wanrah ïa ka jingsuk, hynrei ka waitlam.