Popular Bible Verses from LOUKAS 3

Share

Ynda haba la dep pynbaptis ïa ki briew baroh, la pynbaptis ruh ïa U Jisu. Katba U dang duwai, la plie ïa ka bneng, bad U Mynsiem Bakhuid u la hiar halor jong u ha ka dur kum ka paro. Bad ka sur ka la wan na bneng, “Me long u khun ba-ieit jong nga. Nga la sngewbha bad me.”

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

To leh ïa kita kiei kiei ki ban pyn-i ba phi la phai noh na ki pop jong phi. Bad wat sdang ban ong hapdeng jong phi hi ba u Abraham u long u kpa tymmen jong phi. Nga ong ha phi ba U Blei u lah ban shim ïa kine ki maw bad pynlong ïa ki, ki khun ki ksiew jong u Abraham!

U sdie u la khreh ban khet ïa ki dieng na ki thied; ïa uno uno u dieng baroh u bym sei u soh babha yn khet noh bad bret ha ka ding.”

Kumba la thoh ha ka kitab u Isaïah u nongïathuhlypa: “Don uwei uba pyrta ha ka ri shyiap: ‘To pynkhreh ka lynti bah na ka bynta U Trai; to pynlong ka lynti ba-beit na ka bynta jong u ba un ïaid! Ïa kawei pa kawei ka them dei ban pyndap, ïa uwei pa uwei u lumrit bad u lumbah dei ban pynmadan. Ïa ki lynti kiba kyllaiñ dei ban pynbeit, bad ïa ki lynti ïaid kiba khohruh khohram dei ban pynjlih. U khunbynriew baroh u dei ban ïohi ïa ka jingpynim ka jong U Blei!’ ”