Popular Bible Verses from LOUKAS 11

Share

Kiba sniew kumba phi long, phi tip kumno ban ai kiei kiei kiba bha ïa ki khun jong phi. Katno tam, te, ba U Kpa ba ha bneng un ai ïa U Mynsiem Bakhuid ha kito kiba pan na u!”

“Bad kumta nga ong ha phi: To pan, bad phin ïohpdiang; to wad, bad phin shem; to tied, bad ïa ka jingkhang yn plie na ka bynta jong phi.

Naba uno uno uba pan un ïohpdiang, bad uta uba wad un shem, bad ïa ka jingkhang yn plie ïa uno uno uba tied.

U Jisu u la ong ha ki, “Haba phi duwai, to ong ïa kane: “ ‘Ko Kpa: Ai ba ka kyrteng jong me kan long kaba la pyndonburom; ai ban wan ka Hima jong me.

To map ïa ki pop jong ngi, naba ngi map ïa uwei pa uwei uba leh bakla ïa ngi. Bad wat ïalam ïa ngi sha ka jingtynjuh kaba eh.’ ”

To ai ha ngi man ka sngi ïa ka jingbam kaba ngi donkam.

Ki khmat jong phi ki long kum ka sharak ïa ka met jong phi. Haba ki khmat jong phi ki bha, ka met jong phi baroh kawei ka dap da ka jingshai; hynrei haba ki khmat jong phi kim bha, ka met jong phi baroh kawei kan long ha ka jingdum.

“Ym don uba thang ïa ka sharak bad nangta u buhrieh ïa ka lane buh ïa ka hapoh ka shang; pynban, u buh ïa ka halor u diengpynïeng sharak, khnang ba ki briew ki lah ban ïohi ïa ka jingshai katba ki wan rung shapoh.