Popular Bible Verses from ÏOANNIS 17

Share

To pynkyntang ïa ki sha lade da kata ka jingshisha; ka ktien jong me ka long ka jingshisha.

Bad ka jingim bymjukut ka mut ban ithuh ïa me, U Blei bashisha tang ma u hi, bad kaba ithuh ïa U Jisu Khrist, ïa uba me la phah.

“Nga duwai ym tang na ka bynta jong ki, hynrei na ka bynta kito ruh kiba ngeit ha nga namar ka khubor jong ki. Nga duwai ba ki baroh kin ïalong kawei. Ko Pa! To ai ba kin ïalong ha ngi, kumba me long ha nga bad ma nga ha me. To ai ba kin ïalong kawei, khnang ba ka pyrthei kan ngeit ba me la phah ïa nga.

Ngam kyrpad ba men shim noh ïa ki na ka pyrthei, hynrei nga da kyrpad ba men ri kyndong ïa ki na uta u bymman.

Nga la ai ha ki ïa kajuh ka burom kaba me la ai ha nga, khnang ba kin long kawei, kumba ma me bad nga ngi long kawei. Ma nga ha ki bad ma me ha nga, khnang ba ka pyrthei ka lah ban tip ba me la phah ïa nga bad ba me ieit ïa ki kumba me ieit ïa nga.