Popular Bible Verses from KI KAM 1

Share

Hynrei haba U Mynsiem Bakhuid u wan ha phi, yn pyndap ïa phi da ka bor, bad phin long ki sakhi jong nga ha Jerusalem, ha baroh ka Judia bad Samaria, bad shaduh kiba kut jong ka pyrthei.”

U Jisu u la ong ha ki, “Ïa ki por bad ki jingjia la buh da U Kpa ha ka bor jong u hi, bad kam dei ïa phi ban tip lano kin jia long.

Bad haba ki la ïawanlang, u la ai ha ki ïa kane ka hukum: “Wat leit noh na Jerusalem, hynrei ap ïa ka jingkular kaba nga la ïathuh, ka jingai kaba U Kpa jong nga u la kular. U Ïoannis u la pynbaptis da ka um, hynrei ha ki khyndiat sngi yn sa pynbaptis ïa phi da U Mynsiem Bakhuid.”

Ha ki sawphew sngi hadien ka jingïap jong u, u la mihpaw bunsien ha ki ha ki rukom kiba la pynshisha khlem jingartatien ba u im. Ki la ïohi ïa u bad u la ïakren bad ki shaphang ka Hima U Blei.

Hadien ka jingong ïa kane, la shim noh ïa u sha bneng katba ki dang khmih ïa u, bad u lyoh u la buhrieh ïa u na ka jingïohi jong ki.

Katba ki dang ïaï khmied la ki khmat sha sahit bneng mynba u dang kiew, kynsan ar ngut ki rangbah kiba riam lieh ki la ïeng hajan jong ki bad ki la ong, “Ko nong Galilaïa, balei phi ïa-ïeng hangne da kaba khmied sha ka sahit bneng? Une U Jisu, ïa uba la shim noh sha bneng na phi, un wan pat ha kajuh ka rukom ba phi la ïohi ba u kiew sha bneng.”