Popular Bible Verses from 1 TIMOTHI 5

Share

Hynrei lada uno uno um sumar ïa la ki ba-ha-ïing ha-sem, khamtam ïa ki dkhot ka longïing jong u hi, u la len ïa ka jingngeit bad u kham sniew ban ïa u bymngeit.

To wat sneng ïa uba la kham rangbah, hynrei to kyrpad ha u kum la u kpa. To ñiew ïa kiba kham samla kum la ki para, ïa ki kynthei kiba la kham ïaw kum ki kmie, bad ïa ki kynthei kiba kham samla kum ki para, da ka jingsngur mynsiem baroh.

Ki nongsharai balang kiba trei bha kum ki nongïalam ki dei hok ban ïohpdiang ar shah ïa ka jingsiew, khamtam kito kiba trei jur ha ka jingïalap bad jinghikai.

To wat leh kyrkieh ha kaba buh ïa ki kti halor jongno jongno ban pynkyntang ïa u sha ka kam U Trai. To wat ïadon bynta ha ki pop jong kiwei; to ri ïa lade uba sngur.