Popular Bible Verses from 1 KORINTH 15

Share

Chuleichun, ka unau dittakhai, dettakin, sukchâng ruollovin Lalpa sin ṭhahnem ngaitaka thaw rawpin um ro, in inrimna chu Lalpaa chun a thlâwn ngai nawh ti in hriet si a.

Nisienlakhawm, ei Lalpa Isu Krista zâra hnena mi petu Pathien kuoma chun lâwmthu um raw se.

Hlêmin um naw ro, “Ruol rilohaiin nungchang ṭha an sukkhawhlo hlak.”

Nisienlakhawm, Pathien lunginsietna leiin ka ni ni ka ni tah; chun, a lunginsietna a mi pêk chu a thlâwnin a um naw a, chuong nêk hmanin anni po po nêkin ka thaw nasa lem kha; nisienlakhawm, keia khâtin ka thaw naw a, Pathien lunginsietna ka kuoma um khan a thaw lem a nih.

“Aw thina, i hnena chu khâwlai am a um ta a? Aw thina, i tûr chu khâwlai am a um ta a?” ti thuziek hi hung tlung tâng a tih. Thina tûr chu suol a na, suol thilthawtheina chu dân thu chu a nih.

Ngai ta u, thurûk ka hril ding cheu a ni hi; ei rêngin in kher nâwm ei ni a, nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr lova sukdanglamin um vawng tâng ei tih; tawtawrâwt chu ân ri ding a ni si a; chuongchun, mithihai chu hmawntheilova keithoin um an ta, eini khawm sukdanglamin um tâng ei tih.

Mihriem leia thina a lo um leiin mihriem lei bawkin mithi thonâwkna a lo um ta bawk a. Adama chun mi po po an thi hlak angin, Kristaa chun mi po po sukhringin um bawk an tih.

Hi hmawnthei hin hmawntheilo a sil ding a na, hi thi thei khawm hin thi theinawna a sil bawk ding a nih.

a hmêlmahai po po a ke hnuoia a sie hmakhat chu ama chu lala um ding hrim a ni si a. Hmêlma nuhnungtak sukboa um ding chu thina hi a nih.