Popular Bible Verses from ROM 1

Share

Chanchin Ṭha chu kân zâpui si nawh a, tûkhawm a awihai po ta dinga sandamna dinga Pathien thilthawtheina a ni sih a; a phutin Juda mi ta dingin, chun, Grik mihai ta ding khawmin a hung nih.

Chutaka chun awi nâwkzuolna dingin, ringnain Pathien felzie chu a hung inlang a, “Ringna leia mifel chu hring a tih” tia ziek ang khan.

Amaa mizie hmu thei lo hai, a chatuon thilthawtheina le a Pathien nizie chu, leihnuoi siem tîra inthawkin chiengtaka hmuin a um a, thilsiema chun ân lang a nih; chuleichun, suonlam ding hrim an nei nawh

Pathien hre zing siin Pathien angin an chawimawi nawh a, lâwmthu khawm an hril bawk si nawh. Teplo mei mei an ngaituo lem tah a, an lungril invêt chu a hung inthim tah a.

Pathien thutak chu khêla inchangtirin, a siemtu biek nêkin a isiemhai chu bein an rawng an bâwl ta lem sih a. A siemtu chu kumkhuoa inpâk tlâk a nih! Amen.

Thutak fel nawtaka dangtuhai Pathien ngaisak nawna le fel nawna po po chunga chun vâna inthawkin Pathien lungsen a hung inlang a nih.

Chuleichun, Pathienin inzak- umtaka hur phalin a nghatsan a; an nuhmeihai rau khawma an um dân insiengpui chu dân naw anga um dingin an insuk danglam sih a; pasalhai khawm nuhmei le inhmang dân pângngai chu bânsana hurin, ân hnarin an inhnar tuoh a; pasal le pasal khawm ṭha nawtakin an inthawh a, an suol man hmu ding chu anni le annia chun an hmuh a. Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan tah a

Vara inngaiin invêt an lo ni tah a, Pathien thi thei lo ropuina chu, mihriem thi thei dâm le vatehai dâm, sapheimanli le thilhringhai lim angah an inchangtir tah a.