Popular Bible Verses from MARKA 10

Share

Mihriem Naupa meu khawm rawngbâwlpêka um dinga hung a ni nawh a, mi tamtak intlanna dinga a hringna pe ding lema hung a ni sih a,” a ta.

Isûn anni chu a en a, “Chu chu mihriem ta dingin thaw ruol a ni nawh a, Pathien ta ding ruok chun thaw ruol lo a ni nawh; Pathien ta dingin iengkim thaw thei a ni sih a,” a ta.

Chun, Isûn, “Fe ta rawh, i ring- na hi i dampui a nih,” a ta. Chuongchun, a hmu thei nghâl tah a, lampuia chun Isu a zui tah a.

Chuleiin, Pathienin a izawm ta hnung chu mihriemin ṭhe naw raw se,” a ta.

Chun, Isûn ama chu a en a, a hmangai tah a, a kuomah, “Kawng khat i la bâk, fe la, i nei taphawt zawr la, pasiehai kuomah pe rawh, chuongchun, vânah ro nei i tih; chun, hung la mi hung zui rawh,” a ta.

Chun, Isûn ama chu a lo biek a, “I chungah ieng ang am ka thaw i nuom a?” a ta. Chun, mitdel chun a kuomah, “Rabboni, hmu thei ka nuom,” a ta.

Nangni lai ruok chun chuong chu ni naw nih, tukhawm in laia mi lien ni nuom phawt chu in rawngbâwltuin a um lem ding a nih!

Titakzetin ka hril cheu, tû- khawm Pathien ram chu naupang- têin a lâwm anga lâwm naw phawt chu a sûngah lût naw tawp an tih,” a ta.

Nisienlakhawm, mi tamtak a hmasataka umhai chu a nuhnung- takah la um an ta, a nuhnungtakhai khawm chu a hmasatakah la um an tih,” a ta.

Nisienlakhawm, leilung insîeng tîra inthawk chun, ‘Anni chu nuhmei le pasalin a siem a nih,’ ‘Chuleichun, pasalin a nu le pa mâksan a ta, a nuhmei chel a ta; chuongchun, an pahni chun tisa pumkhat lo ni tâng an tih, chuongchun, pahni an ni ta nawh a, tisa pumkhat an lo ni ta lem a nih’.