Popular Bible Verses from MATTHAI 19

Share

Chun, Isûn anni chu a en a, an kuomah, “Chu chu mihriem dingin thaw ruol a ni nawh a; Pathien ding ruok chun iengkim thaw thei a nih,” a ta.

Chuongchun, pahni an ni ta nawh a, tisa pumkhat an ni ta lem a nih. Chuleiin, Pathienin a izawm ta chu mihriemin ṭhe naw raw se,” a ta, a dawn a.

Chun, ama chun, “Hi thu hi in tiem ngai naw am a nih? A tîra inthawka anni siemtu khan nuhmei le pasalin a siem le, ‘Hi lei hin pasalin a nu le pa mâksan a ta, a nuhmei chel a tih; chuongchun, an pahni chun tisa pumkhat ni tâng an tih,’ ti hi.

Isu ruok chun, “Naupangtêhai ka kuomah inhungtir unla, khap naw ro; vân ram chu hieng ang mi ta a ni sih a,” a ta.

“Nisienlakhawm, mi tamtak, a hmasatakhai chu, a nuhnungtakah la um an ta; a nuhnungtakhai khawm a hmasatakah la um an tih.

Chun, mi tin inhai amanih, unauhai amanih, farnuhai amanih, pa amanih, nu amanih, nauhai amanih, ramhai amanih, ka hming leia fesan taphawt chun, a let za hmûng an ta, kumkhuoa hringna chang bawk an tih.

Isûn a kuomah, “Ṭha famkima um i nuom chun, fe la, i nei chu zawr la, pasiehai kuomah pe rawh; chuongchun, vânah ro nei i tih; chun hung la, mi hung zui rawh,” a ta.

Chun, ama chun a kuomah, “Thil ṭha thu iengdinga i mîn dawn? Ṭha chu pakhat chau a um, ieng- khawm ni sienla, hringnaa lût i nuom chun thupêkhai chu zâwm rawh,” a ta.

Ka hril nâwk cheu hi, mi hausa Pathien rama a lût nêkin, sang- hâwngsei ṭhimnaa a lût thleng a awl lem,” a ta.

Kei chun ka ti cheu hi, tukhawm tlangvâl dit lei ni loa, nuhmei maa, mi dang nei taphawt chu a uire a nih; mâk hnung chu nei taphawt khawm a uire a nih,” a ta.

Chun, Isûn a inchûktirhai kuoma chun, “Titakzetin ka hril cheu hi, mi hausa ta dingin vân rama lût chu intak tak a nih.