Popular Bible Verses from Lukas 12

Share

Tiki nɵa lai, ki simni gaini zizini, buri Ahini ɗif aga a wayasi warni ler na ki hiiniŋ kai.

Ki piyiti te pai n'Alaw ɗa, wazagai hanɗa paŋ ɗa aga a sa siki aŋ beste.

Asakal par a miɗiɗi: Ki zi hangal, ki giɗimi siki burini suuna na pini wazagai, buri ɓa suŋfani ɗif a za mogo ɗa burini wazagaini na viya kai, koo ɓa faraini viya tekeɗeɗi.

Hlai na godaiku t'aŋ woni ɗa agulku t'aŋ woni lai.

Arbaki ɗa, n'a kiɗa a riya mogoni suŋfani edi agwi gaini giriŋini ɗa asiya ɗa?

Asakal par a miɗiɗi wiiɗi ɗaini zi hitri: Mu midiki nɵa buri ɓa aga ki giriŋi burini suŋfaki kai, burini wala n'aga ki simiŋ ɗa kai, burini siki ɗa kai, burini sapa n'aga ki wiŋ siki ɗa kaalai.

Ayir na midiki maa aŋ gaini piɵi tini ta, nɵa ki hûni kai, buri tiki ki nifi a suwa zezek na viya.

Ki hûni kai fara n'agwi, buri a tala arni Epiki pɗem aŋ sitiki pai.

Tili sini zeleke, a suuɗa kai, a haɗa kaalai, magaziŋni n'a mula wazagaini warni aŋ kai, vreni aŋ kaalai, amma Alaw a sini simi, nɵa tiki ɗa ki sûwi wala zi ɗufli, ki siiwiŋ azi viya.

Tiki ɗa, ki piyi wala n'aga ki simiŋ ɗa kai, n'aga ki ciŋ ɗa kaalai, ki hiwiyi siki kai

Na ɓa girna Alaw a gana evek n'a na edi warni basga maini hanɗa ɵa, paŋ ktai dawai aga a ɵiŋka arni afu ɗa, aga a za hanɗa siki tiki a suwa hanɗa kai ɗi? Tiki na gaini yimi n'agwi!

Wala zi ŋoyai n'aga a siŋka edi kai aŋ kai, wala n'a za war kuɗuhai n'aga a siɗa edi kai aŋ kaalai.