Popular Bible Verses from Mt 24

Share

Asu abui minsëm di, ediṅ yayi mana abui bod a minnëm. E nyò ayi dzibi akui a mëmana, ayi kodeban.

Abog te mbëmbë foe edzoe nyò ayi yëdan a si esë. Mëyòṅ mayi yen mbòòlan te. Abog te hm amana si layi bò.

Miayi wog mëfoe bitaṅ ai mëndum. Mikalëga, të miaku wòṅ. Amu nala wayean bòban, dzam da, së ki amana dili.

Ayòṅ layi luman ai e di avòg, edzoe eluman ai e dzi evòg, zie yayi bi bod, si etigëdan a mëboda meziṅ. E mam mësë mala mënë hë mintye mi nkogolo.

Yob ai si biayi lod, bibug biama biangalod ki.

Abui dzam layi sò a dzoe dama, bò na: Ma mënë Kristus; bayi dug abui bod.

Eyòṅ te bayi kuan ai mina a mintye, bëwoe mina, mëyòṅ mësë mayi mina fëm asu dzoe dama. Abui bayi dzaṅ ekoa, bëkuan bò bò, bëfëman bò bò. Abog te abui bëprofet mëdugan bayi kodo a si, bëngadug abui bod.

Yesus nyè ai bò na: Boan okala na të badug mina.

Asu te, mina fë tòbëgan a ngomëzan, amu mòn mod ayi sò awola ya miabuni ki.

Tòbëgan a ngomëzan, amu miayëyëm amos ya Nti waan ayi sò.

Mfa amos te ai awola te, tò mod ziṅ ayëyëm; tò benglès ya yob, tò mòn, hë Tara etam.

Abui bë Kristus mëdugan ai beprofet mëdugan bayi sò, bëbòò biyëṅ bi mam asu yë na, ngë atoa ebugbu, bëngadug tò e ba bëngatòban.

Dzam dëda anë a mëmos më Noe, nala ngò asò-le mòn mod layi bò. Amu, e kan bod bëngabë të mëmos mëte osusua mvëṅ endëgëlë, bëdzaa, bënyaa, fam elugu, bininga bëkëlë a mëlug, akui amos ya Noe anganyian a arka, bò ha të buni tò dzam, ndò mvëṅ endëgëlë engamana bò bëse ai si, nala ngò asò-lë mòn mod layi bò.