Popular Bible Verses from Aetüng hai saite 3

Share

Tängai ö ba. Kai lä kätho teng-a aedaw kha täkhü te vi. Ämi la kai üng ätüng thai kha kätho pä-awng dylä, kai lä kung kha mä-ai lä mangtä bö ca ö ai.

Nang ce sa saite na tea kai lä mäny. Nang ce lä kai tea bälung aevaw bärai y, kai tea la esäre y te kai lä mäny vi. Nang ce lä bälung aevaw bärai te läsy, esäre te läsy, hae haetä tea kai lä ngai te vi. Tungaila nang ce lä Kai tea bälung aevaw bärai y te hai esäre y te phüng-a, Kai ma nang ce bung khaisö vi ai.

Kai ma bälung aevaw saite khimi angxynlyng na tea kai lä dengpy kha pring te vi. Tudylä nang ce lä aethawsa kha ae-ui ö lawi.

Nang ce sa saite na tea kai lä mäny. Nang ce lä aethaw äje cäcaw xyng awng te kai mäny vi. Tungaila nang ce lä kai üng lo tängai kha kai tea aephae ö te y. Nang ce üng maw-a kai lä kätho pä-awng pyng te vi dy. Honi tea ämi la aekhae haw y vi.

Kai lä bäja kha kai Pä-ai üng Areng Aety nae qawng-a äni hai mangtä aety te kätyng, bäja saite khimi tea lä Kai üng aety nae qawng-a kai hai mangtä aety hethang kai ma py ai.

Nang ce ma, “Kai ce lä tawngnang vi. Ngai saite angxynlyng na awng vi dy. Täkang y dy lyng” näkha thui ö vi. Tungaila nang ce lä tähang si te hai bäheng hethang hawi ö te vi. Nang ce lä kangtang kanglai, ämi kangjö, hai aekhu aena nae awng ö te y vi. Tungaila honi na tea nang ce lä mäny ö te y.

Nang ce lä änawngsa hethang kai üng särilo tea tängai ö te vi dy. Tukätephüng-a kai lä älawng qawng-a khimi qütä tea käny hethang mätang bälai tyng te kätü-a nang ce bung lä kai ma aedung hai ai.

Kai lä qae y tea ma ly ai. Nang ce üng yng saite tea lä süng ö khi ba. Tudylä nang ce tea ävang kätyng areng lökhu kai ma py ai. Honi lökhu tea lä ämi ma laja y lyng.

I aelaw ö lawi. Nang ce üng aethaw äje cäcaw awng saite tea lä awng rae hethang aethawsa ö ba. Nang ce hokä sa y dylä, Säthaw ma py saite nang ce üng aethaw lä dü ö ai. Nang ce sa saite kälu na Säthaw üng maw-a lä cungrü y te kai lä nung vi.