Popular Bible Verses from Aetüng hai saite 2

Share

Tungaila nang ce lä angcü üng kätyng vaihi lä kai tea bälung aevaw y te phüng-a nang ce tea cy hethang awng ö vi.

Nang ce lä jangni-a makä awng kha vaihi lä ma-a tyng mei näte tea aedawng haile ö ba. Nang ce lä hunghö sa saite na tea ae-ui kha angcü üng nang ma ce sa saite kätyng sa ö. Nang ma ce üng hunghö sa saite na ae-ui y dylä, nang ce tea kai lä ly kha nang ce üng maibung kaesang bung lä kangkawng na mityng thung üng käsüja ai.

Nang ce üng mätang bälai tyng hethang awng saite tea lä ri ö hang. Tängai ö. Setan angra ma nang ce thung üng phütä na tea lä thawng thung-a kädephae te hai-a käny ö ai. Nang ce lä käni hawtä mätang bälai saite aeting ö ai. Dü te khytä yng te ca ö khi ba. Tudylä nang ce tea dungtäsa hing saite sanphrang üng lökhu kätyng ävang käting kai ma py ai.

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi na tea lä Säthaw üng angkhaw thung üng kähing py saite thingkawng kung üng äthai ca hethang kai ma py ai” näpa.

Nang ce sa saite na tea kai lä mäny vi. Nang ce aethaw rae kha sa saite hai, änawngsa te na tea kai lä mäny. Hunghö sa saite khimi na tea bälungsa haw y te hai, angtawtha na y käla ma angtawtha na kätyng thui saite na tea käny kha äni ce lä khimi kaeling kaemae na vi näkha aeting saite na kai lä mäny vi.

Nang ce lä änawngsa kha kai üng tähang mätang bälai ö pyng te vi dy. Nang ce lä aethawsi te la awng ö y vi.

“Muilaw Käcai ma kangkawng na tea thui saite lo känawkhing awng saite khimi lä thaikaw sy. “Bäja saite khimi tea lä Känipre-a ho saite Mana täkaw phütä tea kai ma py ai. Äni tea ämüng kangthae tärü saite älung kanglung phei la py ai. Honi ämüng tea lä dang saite khimi qaitä ni mäny hethang kae.