Popular Bible Verses from Jako 5

Share

Tukätephüng-a nang ma ce üng hunghö na lawng lawngtä tea aethui kha lawng lawngtä tähang aetang ö. Tudylä nang ce üng känaw käsaw lä hawi king ö vi ai. Khimi käcüng lawngtä üng aetang saite lä tengxyng y haidae awng kha mawcawng te vi.

Nang ce thung-a khimi lawngtä lä mätang bälai te awng mei. Äni lä aetang sy. Anghawtho saite lawng lawngtä awng mei. Äni lä Säthaw tea ae-awi na hai bälaw sy.

Yng saite hai aetang te phüng-a, Areng lä Khimi känaw käsaw bung hawi sa pa vi ai. Tukha Areng ma äni bung mätha pa vi ai. Äni hunghö sa dylä, Areng lä äni üng hunghö na tea bälawi vi ai.

Nang ce thung-a lawng lawngtä lä känaw käsaw awng mei. Äni lä kangkawng üng mätawngky na bung ka kha känaw käsaw awng saite khimi tea Areng üng ämüng hai-a situi kälo ea äni ce ma aetang pa ö vi.

Hunghö sa saite khimi tea äma sa tämang saite lang üng aekö haile tyng hai saite khimi lä hini hunghö sa saite khimi bung dü saite thung üng aeqang vi ai näte mäny ö. Tukha Säthaw lä honi khimi üng hunghö awng mang saite na tea bälawi pa vi ai.