Popular Bible Verses from Matta 5

Share

Çyrany ýakyp, gabyň aşagynda goýýan däldirler. Ony çyradanyň üstünde goýýandyrlar, şonda ol öýdäkileriň hemmesine yşyk berýändir. Goý, siziň yşygyňyz adamlaryň öňünde parlasyn, şonda olar gowy işleriňizi görüp, gökdäki Ataňyzy şöhratlandyrarlar.

Siz dünýäniň yşygysyňyz. Depede gurlan şäheri gizläp bolmaz.

Kalby päkler bagtlydyr, çünki olar Hudaýy görerler.

Dogrulyga ajygyp-suwsanlar bagtlydyr, çünki olar doýup-ganarlar.

Emma Men size diýýärin: duşmanlaryňyzy söýüň, özüňizi yzarlaýanlar üçin doga-dileg ediň.

«Ruhy garyplar bagtlydyr, çünki Gögüň Şalygy olaryňkydyr.

Parahatlyk döredýänler bagtlydyr, çünki olara Hudaýyň ogullary diýler.

Gussa çekýänler bagtlydyr, çünki olara göwünlik berler.

Dogrulyk üçin yzarlanýanlar bagtlydyr, çünki Gögüň Şalygy olaryňkydyr.

Rehimliler bagtlydyr, çünki olara-da rehim ediler.

Men sebäpli adamlaryň size sögen, yzarlan, nähak ýere her hili gybatyňyzy eden mahaly bagtlysyňyz! Şatlanyň, begeniň, sebäbi göklerde aljak sylagyňyz uludyr. Sizden öň pygamberler-de şeýdip yzarlandylar.

Ýumşak adamlar bagtlydyr, çünki olar ýer ýüzüni miras alarlar.

Siz ýeriň duzusyňyz, emma duz tagamyny ýitirse, ol näme bilen duzlanar? Daşary zyňlyp, aýak astynda depelenmekden başga hiç zada ýaramaz.

Şeýlelikde, gökdäki Ataňyzyň kämil bolşy ýaly, siz hem kämil boluň».

Siziň „hawaňyz“ hawa, „ýoguňyz“ ýok bolsun. Mundan artygy şeýtandandyr.

Siz: „Göz ornuna göz, diş ornuna diş“ diýlenini eşidensiňiz. Emma Men size diýýärin: ýaramaz adama garşy durma. Seniň sag ýaňagyňa urana, beýleki ýaňagyňy-da tut.

Sag gözüň seniň günä etmegiňe sebäp bolsa, ony sogrup taşla. Bir synaňyň ýok bolmagy tutuş göwräňiň dowzaha atylmagyndan gowudyr. Sag eliň seniň günä etmegiňe sebäp bolsa, ony kesip taşla. Bir synaňyň ýok bolmagy tutuş göwräňiň dowzaha taşlanmagyndan gowudyr.