Popular Bible Verses from Apokalupo 11

Share

Kua akatangi maira te toko itu o te angela; e e au reo mamaata atura tei runga i te rangi, i te na ko anga e, Ko te au basileia o teianei ao, kua riro ïa ei au basileia no to tatou Atu e no tana Mesia; e e vai rai te au iaia e tuatau e tuatau ua atu.

I riri ana te pa enua, e kua kitea mai toou riri, e te tuatau o te aronga i mate, e akavaiaʼi ratou, e e orongaiaʼi oki e koe te tutaki na to au tavini ra na te au peroveta, e na te aronga tapu, e na te aronga i mataku i toou ingoa, ko tei iti e tei rai; ko te tuatau e mate ei ia koe te aronga i mate ei to te ao ra.

E naku e poroki i nga kite tokorua naku ra, kia totou raua ma te kakau paoa, e kia okotai ake tausani, kia rua anere, e kia ono oki ngauru, i te rā.

E ope akera nga rā e toru ra e te rā vaenga oki, kua uru maira te Vaerua ora, no ko mai i te Atua ra, ki roto ia raua, kua tu ua maira raua ki runga: rokoia iora te aronga ravarai i kite ia raua i te mataku maata.

E mana to raua kia mopani i te rangi e, auraka te ua e topa mai i to raua au rā totou anga ra: e e mana oki to raua i te au vai, kia akariro ei toto, e kia pāpā putuputu i te enua i te au mate ravarai nei, mei ta raua e inangaro ra.

Ko nga olive e rua teia, e nga lamepa oki e rua, i tukuia ki mua i te aroaro o te Atua o te ao nei. E kia rave kino mai tetai ia raua, te puroro atura te ai no roto i to raua vaa, e pou atura to raua enemi: e kia rave kino maira tetai ia raua, e akaperaia aia e mate takiri atu.