Popular Bible Verses from Luka 23

Share

Kua karanga aturā Iesu, E taku Metua, e akakore mai koe i ta ratou ara, kare oki ratou i kite i ta ratou i rave nei. Kua tua kelero iora ratou i tona kakau.

Kua tuatua mairā Iesu kiaia, Koia mou taku e karanga atu kia koe nei, ei Paradaiso taua katoa i teianei rai rā.

Kua karanga atura aia kia Iesu, E te Atu, e akamaara mai koe iaku, kia tae koe ki toou basileia.

Kua kapiki aturā Iesu ma te reo maata, na ko atura, E taku Metua, te tuku atu nei au i toku vaerua ki to rima na: e oti akera taua tuatua ra, tuku atura i te vaerua.

E tae atura ratou ki te ngai i tuatuaia ra e, ko Kalavaria, akasatauro iora ratou iaia i reira, e nga tangata rave tuatua kino ra, i te rima katau tetai, i te rima kaui oki tetai.

E tu ora ono atura, ko te poiri iora ki runga i taua enua katoa ra, e tae rava akera ki te ora iva. Akapoiriia iora te rā, e ngaae rava akera a rotopu i te paruru i te nao ra.

E kite akera te rangatira anere i taua mea ra, akameitaki atura i te Atua, na ko atura, E tangata tuatua-tika tikai teia.