Popular Bible Verses from Luka 22

Share

Na ko atura, E taku Metua, kia tika ia koe ra, e apai ke atu koe i teianei kapu: kia tupu ra toou anoano, auraka toku.

I pure ana ra au ia koe, kia kore e ope toou akarongo: e kia akaariuia mai koe ra, ka akatinamou atu i to au taeake.

Kua rave iora aia i te manga, akameitaki atura, vavaʼi iora, tuku atura kia ratou, na ko atura, Toku kopapa teia, e orongaia no kotou; e akapera kotou ei manako anga iaku.

E kua pera katoa iora i te kapu, kia oti ake te kaianga, na ko atura, Teianei kapu, ko te koreromotu ïa i toku nei toto, e akamaringiia no kotou nei.

E no te mea te maata ua ra tona mamae aue, viviki rava atura tana pure: e mei te toto kurukuruatu ra tona ou i te topa anga ki raro i te one.

Kareka kotou na, kare ïa e tika kia pera: ko tei maata i roto ia kotou na, kia arite katoa ïa i tei iti; e tei mana ra, kia arite katoa ïa i te tavini.

Kua karanga atura aia, E akakite atu au kia koe, e Petero, kare te moa e kakaoa akonei, ka toru atura oou uuna anga e, kare koe e kite mai iaku.