Popular Bible Verses from Ioane 2

Share

Tei Kana i Galilea te rave angā Iesu i teianei akairo mua, i te akakite anga i tona kakā; e kua akarongo te au pipi iaia.

Kua karanga aturā Iesu kiaia, Eaa taau iaku nei, e maine? kare i tae ki toku ora.

Kua karanga aturā Iesu kia ratou, Ka akaki ana i te aronga āriki ki te vai. Kua akaki iora ratou e tae ua akera ki te nia. Kua karanga atura aia kia ratou, Ka akataʼe ana, apai atu ei ki te tutara o te oroa nei. Kua apai atura ratou.

Kua karanga aturā Iesu kia ratou, na ko atura, Ka vavaʼi ua na i teianei nao, e kia po toru ake, kua tu akaou ïa iaku.

Kua anga iora aia i te taura rikiriki ei pāpā, e kua tuaru atura ia ratou katoa ki vao mai i te iero ra, te mamoe, e te puakatoro; e riringi atura i te moni a te aronga oko moni ra, e akatauri atura i ta ratou au papa; E karanga atura ki te aronga i oko i te kukupa ra, Apai ke atu i tena au apinga; eiaa e akariro i te are o toku Metua ra, ei are oko anga apinga.