Popular Bible Verses from Ioane 1

Share

Te aronga katoa ra i āriki atu iaia, i o maira aia i te tika ia ratou kia riro ei tamariki na te Atua, koia te aronga i akarongo i tona ingoa

I VAI ana te Logo i muatangana, i te Atua ra oki te Logo, e ko te Atua oki te Logo.

I kakā mai ana te mārama ki te poiri, kare ra te poiri i āriki atu.

I riro mai nei te Logo ei tangata, e kua puakapa mai ki o matou nei, (kua kite matou i tona kakā, te kakā e tau i te Tamaiti anau tai a te Metua ra) kua ki i te aroa ua e te tuatua-mou.

Nana i anga te au mea katoatoa; kare ua tetai mea i angaia, tei kore i angaia e ia. Tei roto iaia te ora; e taua ora ra, ko te tangata ïa mārama.

E ao akera, kite aturā Ioane ia Iesu i te aere anga mai kiaia ra, e kua na ko akera, Ka akara na i te Punua-mamoe a te Atua, ko tei apai ke atu i te ara a to te ao!

I te ao nei aia, e nana i anga i teianei ao; kare ra to te ao i kite atu iaia. I aere mai nei aia i ona tikai, kare ra tona iti-tangata tikai i āriki atu iaia.

Koia te mārama mou, ko te akamārama mai i te tangata katoa i tona aere anga mai ki to te ao nei.

Na Mose oki i tuku mai i te ture, kareka te aroa ua e te tuatua-mou, na Iesu Mesia ïa.