Popular Bible Verses from Angaanga 2

Share

Kua karanga aturā Petero kia ratou, E tataraara, e kia bapetizoia, kotou ravarai, i roto i te ingoa o Iesu Mesia, kia matara te ara; e ka orongaia mai ïa te Vaerua Tapu kia kotou.

Kua mou piri tikai atura ratou i ta te au aposetolo i apii ra, e te kapiti katoa anga atu, e te vavaʼi anga i te manga, e te pure anga oki.

E ki akera ratou ravarai i te Vaerua Tapu, kua tuatua iora i te tuatua ke, i ta te Vaerua i oronga mai i te tuatua kia ratou ra.

E kare akera i mamia, ko te aruru maira no runga mai i te rangi, mei te matangi viviki maata ra; kua ki rava akera te are i nooia e ratou ra. E kua mama maira te arero manga kia ratou, mei te ai ra te tu, e to iora ki rungao ia ratou katoa ra. E ki akera ratou ravarai i te Vaerua Tapu, kua tuatua iora i te tuatua ke, i ta te Vaerua i oronga mai i te tuatua kia ratou ra.

E noo tamou iora ratou ra ki roto i te iero ra, i te au rā katoa, ma te inangaro okotai, e te vavaʼi anga i te manga, i tera are, i tera are, kai iora oki ratou i te kai ma te rekareka, e ma te tavaitai ua te ngakau; I te akameitaki anga i te Atua, e ma te kiteia mai e te tangata ravarai. E te aronga i akaoraia ra, kua kapitiia ïa e te Atu i te ekalesia ra, kare e rā i tukua.

“Kia tae ki te au rā openga ra, (te tuatua maira te Atua,) e riringi atu ei au i taku Vaerua ki rungao i te tangata ravarai; e na ta kotou au tamariki tamaroa, e te au tamaine, e totou mai, e ka kite oki to kotou au tangata ou ra i te orama, e to kotou au tangata ruaine oki e moemoeaia ïa

Uipa akera taua aronga katoa ra i te ngai okotai, e kapiti ua akera oki to ratou apinga. E kua oko atura oki ratou i to ratou kainga e te apinga, e tua iora oki na ratou ravarai, e tau katoatoa akera.

E riro oki e, ko te kapiki i te ingoa o te Atu ra, e ora ïa.”

Ka riro te rā ei poiri, e te marama ei toto, e tae ei ki taua rā mataku maata o te Atu ra