Popular Bible Verses from Angaanga 1

Share

Ka rauka ra to kotou mana i te Vaerua Tapu, kia aere mai aia i rungao ia kotou; e ei kite oki kotou noku i Ierusalema nei, e Iudea katoa oki e pini ua ake, e Samaria katoa oki, e tae ua atu ki te openga o te enua ra.

Kua karanga atura aia kia ratou, Kare ïa i akonoia kia kite kotou i te taime te tuatau, ta te Metua i vaoo iaia uaorai

E putuputu akera aia ma ratou, kua ako atura aia ia ratou, Auraka e akaruke i Ierusalema, e tatari ra i ta te Metua i tuatua maira, kua kite ana oki kotou iaku: Kua bapetizo rai oki a Ioane ki te vai, e bapetizoia ra kotou ki te Vaerua Tapu i eianei puke rā.

Ko tana katoa ïa i akakite iaia uaorai i te ora anga, i muri ake i tona mate anga, ma te akairo ara kore e manganui; e a ngauru anga ona po i te akara angaia e ratou, e te tuatua anga atu i te tuatua no te basileia o te Atua

E te tuatua ua ra aia i taua au tuatua nei, e te akara ua maira ratou, kua raveia atura aia ki runga; e i vaîia maira aia e te tiao, ngaro atura i to ratou mata.

E tei to ratou akara matariki anga atu ki runga i te rangi, iaia i aere atu ki runga ra, i na, te tu ua maira e toko rua puke tangata i vaitata ia ratou ma te kakau teatea; Ko tei tuatua mai ïa e, E te au tangata Galilea nei, eaa kotou i tu uaʼi, e i akara tamou ei ki runga i te rangi ra? Ko Iesu nei rai tei raveia akenei i roto ia kotou ki runga i te rangi, ka oki mai ïa mei te reira katoa, mei ta kotou i kite atu iaia i te aere anga atu ki runga i te rangi ra.